陳詩欣姊妹團個個係話題女王 仇狗鍾晴花癡陳約臨吸嬲爆「紅」

女神陳詩欣（Eunice）將於10月30日嫁富二代鍾培生嘅老友Joshua（陳爾正），日前同一班姊妹團舉行婚前派對，姊妹團分別換上香檳色嘅睡袍同白色便服獨留倩影，當中成員包括余香凝、陳約臨、蔡嘉欣、鍾晴、方詩揚以及鄧穎堯。呢班姊妹除咗個個都咁索之外，仲個個都係「話題女王」！

同場加映：MIRROR正副隊長｜AK Lokman舞蹈員出身無悔做歌手 「有時候呢種攰都係一種幸福」

{{hket:ul-video id="4342"}}{{/hket:ul-video}}

鍾晴

鍾晴（Karlie）曾經喺節目《兄弟幫》中公開講「憎狗論」，指無論狗狗體型大定細都好驚，提到有一次拍攝外景時遇上大狗，並以「工廠啲狗特別毛茸茸同污糟，好乞人憎嗰啲啦吓」來形容，惹網民批教壞細路。事後已道歉及承認失言的Karlie，再於社交平台表示歉疚：「本人在節目《兄弟幫》訪問中的言論引起各界的反應 ，本人深感歉意。經過深切反省，作為一個公眾人物，特別是兒童節目的主持人，當日發表的言論的確非常不成熟及欠缺社會責任 ，本人已從中汲取教訓，日後會慎言慎行。在此，再向各界致以最真誠的道歉。」

陳約臨

早前東京奧運「劍神」張家朗勇奪金牌，無綫記者陳約臨（Kelly）訪問期間「花癡」上身，不但突然在鏡頭前向張家朗表白「我好鍾意你呀」，更直言：「我已經係流淚，我直頭喺觀眾席流淚，要喊。」又多次打斷張家朗說話，向張家朗呈上飛吻，以及問張家朗要否改名做「金家朗」，令張家朗尷尬非常。陳約臨遭到網民洗版式批評，直斥佢有失記者專業，提問無聊、低質素，打斷受訪者說話亦十分無禮。陳約臨雖然向傳媒堅稱提問冇問題，但最後受唔住壓力跪低，於凌晨時分刪掉遭到網民洗版式轟炸嘅帖文，並於翌日上載親手寫嘅「悔過書」。

余香凝

余香凝（Jennifer）上年與男友陸政渡（Tim）奉子成婚，入行以來只承認過同陳家樂嘅一段戀情，但亦因為呢段失敗嘅戀情令佢飽受抨擊。家樂當年揚言會5年內與對方拉埋天窗，愛得如膠似漆，2017年Jennifer遇車禍受傷導致鼻骨爆裂，家樂送上鑽戒作出承諾，會照顧對方一生一世，並多次表示早已認定Jennifer是結婚對象。2018年中突然傳出分手消息，Jennifer被傳媒影到上保險才俊Victor屋企過夜，佢強調Victor唔係新男友，同家樂分手亦唔係因為有第三者介入，但分手後家樂痛哭落淚，令Jennifer被網民大鬧「拜金」。

蔡嘉欣

蔡嘉欣選港姐時已經係當紅KOL，是非多多被揭一大堆黑歷史，有指佢因拜金而狠飛拍拖數年嘅無綫藝人吳子沖，轉而結識現任有米ibanker新歡，男友更在將軍澳天晉租了一個月租近二萬五元的單位，方便她參選時出入將軍澳電視城。不過蔡嘉欣澄清上一段戀情佢係被分手，現任係分手後一段時間因為緣分而結識。蔡嘉欣嘅IG內幾乎每日都拎唔同嘅名牌手袋，絕大部分都係Hermès同Chanel，有數得計總值超過五十萬；佢又曾經拎住大疊現金去銀行入數並上載到社交平台，唔少網民都批評佢「炫富」。

同場加映： Sick問識答｜中醫講解有邊幾類食物經前忌食

{{hket:ul-video id="4328"}}{{/hket:ul-video}}